Zer dira IKTak eta zertarako balio dute?

Lau hilabete pasa ditugu blog hau elikatzen. Hasiera hartatik gaur arte asko ikasi dugu eta horren isla da IKTZaLeak bloga.
Zaila izan da taldean lan egitea, erdibertaratze modalitateari eutsiz, apenas elkar ikusi gabe. Baina kontuak kontu, oso aberasgarria izan da guztiontzat. Elkarrekin lan egiteko era berri batean trebatu gara eta aurrerantzean ere, etorkizunean, baliagarria izango zaigu.

5. KONPARTITU

Taldekideen teknografiak ikusita eta ondoren taldean egindako hausnarketak oinarri hartuta, hauxek dira IKTZaLeok ateratako ondorioak:

Etorkizuneko irakasle modura, jakina da egun jasotako IKT formakuntza urte gutxiren buruan, iraungita egongo dela; aldaketak, berrikuntzak... etengabekoak dira.  Hori dela eta, IKTak erronka esanguratsuak dira irakaskuntzan, baina hauen aplikazioa eta erabileraren aurretik, ezinbestekotzat jotzen dugu, egungo ikaskuntza-irakaskuntza metodologien inguruko hausnarketa. Izan ere, IKTek ez dute bermatzen irakaskuntzaren berrikuntza. Instrumentuak edota teknologiak bitartekari soilak dira eta ez dira ez helburu ez eta irakaskuntza prozesua bere osotasunean eraldatuko dutenak; irakasleen praktikak, hautatutako metodologiak, oinarri ideologikoak... dira irakaskuntza aldatu eta IKTak erabilgarri bilakatzen dituztenak.

Gure taldeak, noski, IKTen erabileraren aldeko apustua egiten du, baina egun duten ohiartzuna eta hauen benetako ekarpena kuestionatuz eta gehiegizko protagonistagonismoa zalantzan jarriz.  Aurkezpenean ikaskide batek aipatu zuen eran  “IKTak erabili behar dira hauek erabiltzen ari garela ohartu gabe”.

Gainera, ezin gara ilusionismoan erori: IKTak ez dira neutralak eta interes jakin batzuen araberakoak dira, eskoletan baliabide ekonomikoak urriak dira, zuzendari eta administrazioaren pentsamoldea zaila izan ohi da aldatzen... Gauza asko aldatu behar dira IKTen erabilera bultzatzeko eta hauetako asko irakasleen eskuetatik, konpetentzietatik kanpo daude.

Hala ere, badaude irakaslearen esku edo konpetentzien barne dauden egitekoak, besteak beste, teknografietan ikusi genituen eran hauexek:  

Erronka nagusien artean, ezagutzaren gizarte honetan eta errealitate birtuala hain protagonista den testuinguru honetan, hiritar digital arduratsuak heztea litzake: eten digitala sahiestuz, konpetentzia digitala lantzea. Honetarako irakasleen etengabeko formakuntza eta multialfabetizazioa ezinbestekoak dira.

Behar metodologikoei dagokionez, beharrezkoa ikusten dugu  eskolekin, lankideekin, administrazioarekin, komunitatearekin eta ikasleen familiekin uztartzeko bideak sendotzea; errealitate birtuala egungo eskolarekin uztartzeko bideak irekitzea; IKTak eta hauen ezagutzak era eguneratuan mantentzeko metodologiak sustatzea; irakasteko metodoak ikasleei egokitzea; IKTak eta emozioak uztartzea: teknologiaren bidez ere baloreak eta sentimenduak lantzea; IKTak eta jakintza arloak osatzea; kontruktibismoaren eta lankidetza bultzatuz, ikasleek aurretik dakitena kontutan hartzea...

IKT tresnei dagokionez teknografietan ikusi moduan ezinbestekoak dira ikusentzunezko plataformak: Movie Maker,  Youtube, Skype... Erabilpen teknologikoa duten tresnak: PDI, arbel eragileak, Web 2.0, IKT eta honen aplikazioak, Officeko programak, Komunikazio plataformak, Wiki, Internet, Eskola2.0 (neetbook), Programen deskargak, Movie Maker, e-Books, e-Readers, Arbel digitala, Foroak eta eta agertuko direnak... eta informazioaren kudeaketarako baliagarriak diren tresnak kudeatzea nahitaezkoa da IKT eta honen aplikazioak. Eta komunikazio plataformak: Bloga, Movie Maker, Youtube, Wiki, Internet, Konpetentzia digitala, Programak deskargatu, Eskola 2.0, Lankidetza, Web quest, Skype, Sky drive eta agertuko direnak...

4. ERAIKI: TEKNOGRAFIA

TEKNOGRAFIA: ETORKIZUNEKO IKT ZALEAK on PhotoPeach

BITXIKERIAK

high technology!!

4. ERAIKI: TEKNOGRAFIA PROBA

Hemen nire teknografia, gaia aldadu dut pixkat, baina ideia moduan hemen daukazue. Karmelerena ikusi dut eta ondo dago, kontzeptu teknikoagoak erabiltzen ditu, baina musika aldatuko nuke, indartsuegia iruditzen zait. Bibliografia (argazkiak nondik atera ditugun) jarri behar da.

www.photopeach.com/album/9qbtse

4.ERAIKI: TEKNOGRAFIA

ETEN DIGITALA

Hona hemen nik proposatutako lana, orain zuei dagokizue hau aldatu, hobetu edo berregin.

Aio, Karmel.

3. SAKONDU: ESKOLA 2.0

Open publication - Free publishing - More eskola

3. SAKONDU

Ados nago Saioa. 4-5 testu garrantzitsuenen laburpenak jarri ditzakegu zati honetan; Lorerena, natibo digitalena, hobeto ikasten al da ordenagailuekin? testua eta besteren bat.

3. SAKONDU: KONPETENTZIA DIGITALA

KONPETENTZIA DIGITALA on Prezi

3. SAKONDU: IKTak IRAKASKUNTZA-IKASKUNTZA PROZESUETAN

3. SAKONDU: BESTE ZENBAIT TESTUTAKO IDEIA ESANGURATSUAK

BESTE ZENBAIT TESTUTAKO IDEIA ESANGURATSUAK  (ESKEMATIKOKI)

A) ESKOLAN IKTen ERABILERA EGOKIEN INGURUKO EUROPAR MAILAKO POLITIKAK (Juaquín Paredes Labra)

• Ordenagailuen eta IKTen erabilera duela gutxi gizarteratutako praktika; honenbestez, baita hauen inguruko politikak ere.   

• Lehenengo saiakera intstituzionalak Erresuma Batuan 1980; Espainian 1986an.       

• IKTek izugarrizko erronka luzatu eskolari eta hezkuntza sistemari: desafio ez da teknologikoa soilik ( ordenagailuak ikasgelan txertatu); erronka kulturala eta organizatiboa da (eskola antolatzeko era berri bat eskatzen baitute IKTek).    

• Politika hauen helburuak denboran zehar aldatuz eta garatuz joan dira: IKTen erabilera txikitatik sustatu, eten digitala gainditu, konpetentziak landu, desberdintasunak kudeatu...

• Politika hauen beste zenbait helburu esanguratsu: lana sortzeko ekintza aktiboak sustatu IKTen bidez, ,     mundu teknifikatu honetarako alfabetizazioa bultzatu ( e-gobernanza,  e-hiritartasuna, globalización, e-negocios...)

• 80-90. hamarkadan politika hauen helburua: errekurtso teknologikoak, azpiegiturak eta irakasleen formakuntza. Bada garaia, ikuspegi mugatu hau gainditu eta IKTek zer eskaintzen duten eta hezkuntza sistemaren norabidearen nondik-norakoaren inguruan hausnarketa sakona egitea.     

• Praktika onak:  zenbait ikerketen arabera, Britainia Handiko eskolen %11 bakarrik egiten du erabilera egokia. Adibiderik egokienak, irakasle eta ikasleen arteko interakzioa eta rolen aldaketa sustatzen zuten zentroak dira: lan interdisziplinarra, lan inklusiboa, beste eskola batzuekin hartuemana... zuten horiek, alegia. (European Schoolnet de 2006).

• Europar Batasunaren ikuspegia eskolan IKTen erabileraren inguruan: Europar Batasunak ez du hezkuntza politika konkreturik, nahiz eta programa bereziak eta jarrera partehartzailea izan.

a) Politiken dimentsio desberdinak: elkarbizitza sustatu ( komunitatearen batasuna), IKTen ikuspegi enpresariala bultzatu( aberastasun sortzaile modura) eta soziala ( ondasun sozialak sortu hezkuntzaren bidez: aniztasunaren trataera adibidez).

       

b)Politika hauen eragina nabarmen daiteke: gizartearen  mobilizazioan, integrazio sozio-ekonomikoan, ecopolitiketan, turismo berrian...

c)Adibidea, eTwinning.net: dokumentu eta informazioa elkartrukatzeko aukera eskaintzen duen plataforma.

• Politika hauek irakasleen garapen profesionala sustatzen dute ( irakasteko ikuspegi berriak, konpetentzia teknologikoak) baita eskolaren garapena ere ( eskolaren ikuspegi integrala, prozesuen lidergoa, animazioa, taldeen sustapena, komunitatearen indarra...)

• Erronka: berrikuntza, irakasle funtzioaren eraldaketa, inklusio digitala, kulturartekotasuna, hezkuntza zabaldua, e-learninga... Irakasleari dagokio, euren ikasleekin, muga zehatzik ez duen prozesu honetan, sustatzaile eta ekintzale modura aritzea.

3. SAKONDU: NATIBO ETA INMIGRANTE DIGITALAK

NATIBO DIGITALAK / INMIGRANTE DIGITALAK edo BELAUNALDIEN ARTEKO ETENA

Azken urteetan teknologiak izan duen hedapen eta zabalkuntza azkarrak ikasleengan aldaketa ugari ekarri ditu, belaunaldi berriek informazioa jaso eta prozesatu desberdin egiten dute (beraien garunak aldatu dira) eta beraientzat pentsatua zegoen hezkuntz sistema, dagoeneko ez du balio.Ikasle berri hauek natibo digitalak dira, internet, bideo-joko, ordenagailu, etab... ama hizkuntzan hezituak.

Mundu aurre teknologikoan jaiotakoak, baina, bizitzaren une batetan teknologia berri horiek eskuratu ditugunak inmigrante digitalak gara. Hizkuntza berri hau gure garunean toki desberdin batean kokatzen da natibo digitalekin alderatuz, horregatik ez gara hain trebeak bere erabilpenean.

Bi talde hauen artean ETEN DIGITALA dago, horrez gain, belaunaldien arteko etena (aurreko belaunaldietaz desberdintzeko gogoa) ere agerian geratzen da.

Guzti hau arazo larri bat da, garai aurre digitala hitz egiten duten inmigrante digitalak (metodologia eta ohitura aurre digitalekin), natibo digitalak hezi eta irakasteko borrokatzen ari baitira. Natibo digitalak bitartean, aspertu egiten dira eta denbora galtzen ari direla uste baitute, beraiei, taldean lan egitea, sarean, informazio azkarra, etab... atsegin zaielako.

Arazo hau konpontzeko, irakasle inmigrante digitalak gure edukiak, ohiturak eta metodologia berreraiki behar dugu eta natibo digitalen hizkuntza eta estiloan komunikatzen ikasi behar dugu.

Hortaz, edukiei dagokienez, bi motatakoak bereiziko ditugu: historikoak eta etorkizunekoak.

    - Historikoak; irakurmena, idazkera, aritmetika, etab...(gure kurrikukulum tradizional  guztia)  beharrezkoak dira eta irakasten jarraitu behar dugu modu erakargarriago batetan.

    - Etorkizunekoak; software, hardware, robotika, etab... baita ere; etika, politika, soziologia, hizkuntzak, etab... ikasleentzat interesgarriak direnak.

Ondorioz, metodologia berriak asmatu behar ditugu gai guztietarako (hizkuntza eta ohitura berrietan oinarrituak eta entretenigarriagoak, interaktiboak, dibertigarriagoak izan beharko dira). Ikasleak eredu edo adibide bezala hartuaz. Adibide modura, bideo-jokoetan oinarrituriko irakaskuntza. Honela, belaunaldien arteko etena xamurragoa bihurtzen da.

3. SAKONDU: ORDENAGAILUA, EMOZIO-SORTZAILEAK

ORDENAGAILUAK, EMOZIO-SORTZAILEAK

Makinak izan arren, zirrarak sortzen dituzten gailuak dira ordenadoreak. Horrela, muturreko bi jarrera antzeman litezke: 

Teknofobia: txikitatik erabili ez duen eta bere bizitzan txertatu behar izan duen edozein teknologiari muzin egitean datza. Eskuratu nahi dituen giza-balioak arriskuan jartzen ditu teknologiak teknofobo baten ustez.

Teknofilia: teknologia munduan barneratuta ikusten du teknofilikoak bere burua eta garapen eta berrikuntzak adi-adi jarraitzen ditu. Hainbat onura dakartza teknologiak bere ustez eta garapenaren eta aurrerapenaren sinonimotzat du teknologia.

1. Irakasleen jarrera

Komunikabideen hezkuntza-onuren usteen arabera egiten dute irakasleek alde batera edo bestera irakasleek. Alde edo kontra, zergati batzu azal litezke:

Aldaketaren kontrako erresistentzia

Edozein lanbidetan kostatzen da euskarriak, arrazoiak eta helburuak argi ez dituen aldaketak onartzea, batez ere, egin beharreko lan berria menderatzen ez denean. Hala ere, aldaketa horiek burutzeko bitarteko- eta irakasleen prestaketa-falta izaten dira jarrera negatibo baten arazorik azpimarragarrienak.

Hutsuneak prestaketari dagokionez

Ordenagailuak erabiltzeko teknika gero eta konplexuagoa den heinean, gero eta beharrezkoagoa da tresna era egokian erabiltzeko gutxieneko trebetasuna izatea. Horrez gain, didaktika alorra ere jorratu –eta bide batez osatu– behar luke prestakuntza horrek. A

legia, etengabeko lotura izan behar lukete prestakuntzak eta egiazko erabilera-testuinguruak.

 Autoestima eta frustrazio maila

Teknologia berriekin batera hazi diren ikasleek irakasleak baino lehenago barneratuko dituzte sarritan hainbat tresna edota baliabide. Gainera, makinek eta programek sarritan egiten dute kale eta irakasleari beharrezkoa izango zaio inprobisatzea, aldaketak egitea… Irakaslearen araberako frustrazioa sortzen du egoera honek.

Ordenagailua irakaslearen ordezko gisa

Zeresan handia du eta izango du ordenagailuak heziketa eremuan, informazioa eman, orientatu eta lagunduko duten pertsonez gain, ikasteko materiala behar delako. Hala ere, irakaslearen ordez ordenagailua jartzeak errealitatetik urruti dauden egitura eta antolaketa aldaketa ekarri beharko lituzke.

Ordenagailuaren eraginkortasuna hezkuntzan

Ikertzaileek ordenagailuen onurak birritan azpimarratuta ere, praktika zehatzek, eskarmentuaren ezagutzek eta ekarpen praktikoek ekarriko dute erabilpenaren zabalkundea.

2. Lanbidetik haratago: pertsona

Jarduerak eta gu geroni aldatzen gaitu teknologiaren erabilera instrumentalak. Azken finean, kulturaren, gizartearen eta pertsonaren aldaketak dakartza ordenagailuak hezkuntzan barneratzeak.

Emakumeak

Informatikaren zabalkundea emakumeentzat oso onuragarria izan ez bada ere (80.hamarkadan, gizonek menderatzen zuten informatika-kultura), kontuak aldatuz doaz azken urteotan, eta “egun emakumeek onartuago dute ordenadorea kulturaren baitan” (S. Turke, 1997).

Hala eta guztiz ere, generoen arteko ezberdintasun hori pixkanaka desagertuz doala dirudien arren, badira ezberdintasunak, eta ordenagailuen jokoetan nabaritzen da batez ere. Izan ere, joku horiek gizonezkoei zuzenduta daude (borrokak… direla). Jokoen bitartez, emakumezkoen artean sustatu behar da ordenagailuen erabilera.

 Belaunaldi berriak

Aurretik esan bezala, umeak teknologia berrietara ohituta daude, beren bizitzako beste edozein elementuren pareko dituzte eta informatika-hizkuntza erraz menderatzen dute. Gurasoek, makinak erabiltzen ez badakite ere, onartzen dute seme-alaben informatika-prestakuntza. Hala ere, ezagutza ezari esker, gurasoek ez dakite zein erabilpen ematen dieten seme-alabek ordenagailuari… eta hor sortzen dira arazoak.

Giza-desberdintasunak

Alde batetik, aldez aurretik existitzen diren komunikazio giza-ereduak indartzen dituzte teknologia berriek; bestalde, giza-sare menderatzaileak sustatzen dituzte. Hortaz, komunikabide berriak kultura tradizionalak zurgatu ohi ditu.

Hori horrela izanik, dirudienez, areagotuz joango dira ezberdintasun sozialak. Kontua ez da teknologia berria izatea ala ez, baizik eta diseinuaren nolakotasunak. Bi hitzetan, teknologia orokorrean txertatuko lukeen hezkuntza eta kultura falta dago.

HOBETO IKASTEN AL DA ORDENAGAILUEKIN? ERANTZUN ZAILA ALA GALDERA OKERRA

Hezkuntza alorrean euskarri berri bat agertzen denero plazaratzen da bere erabilpen egokiaren kezka. Euskarri baten erabilpena maneiatzeko zailak diren hainbat aldaeren araberakoa (testuingurua, sinesmena, sortzen duen itxaropena…) da eta hortaz, egokiagoa da ordenagailuaren ikaskuntzaren inguruko berezitasunak eta alderdi bereizgarriak aztertzea.


Testuinguruaren eragina ikaskuntzan

McLuhan (1973)anen esanei jarraiki, teknologia-kontsumitzaile egin gara; hain azkar aldatzen dira hauek zeinen eragiten dituzten ondorioak aztertzea ezinezkoa zaigun. Ideia argirik eman ez duten ikerketen faltan, beharrezkoa da, hala ere, metodoa eta komunikabidea –euskarria– ez nahastea. Horren harira, hiru jarrera daude:

Komunikabideak ikaskuntzan eragiten du. Informatikaren kasuan, positiboa da eragin hori.

Komunikabide bakoitzak efektu sozial eta psikologikoak sortzen ditu bere entzulerian eta giza harreman zehatzetan; eta pentsakeretan, mamiarengandik independente samarra izan ohi dena.

Informatikak, funtzio anitzetako alorra izanik, hainbat hezkuntza filosofia iradoki ditu (B. Somekh, 1992): edukien gehiengoaren ikaskuntza barneratzen laguntzeaz gain, ikasle bakoitzaren erritmora moldatzeko gaitasuna du ordenagailuak; ikaskuntzaren erdigune eta motorra ikaslea izatera bideratzen du, bestalde, esate baterako, tresna kognitibo edota mikromunduen bitartez.

Azken finean, hezkuntza sistema aldatzeko aldaketa eta erreforma elementutzat hartzen da informatika eta hezkuntza-kalitatea hobetzeko, kostuak jaisteko, elementu curricular berriak barneratzeko… balio izatea espero da.

Komunikabideak ez du ikaskuntzan eragiten. Ordenagailuak ez dira salbuespen.

Ikuspegi honen arabera, metodoek (eduki eta estrategiek) eragiten dute ikaskuntzan eta ez euskarriek. Ikaskuntza ahalbideratzen duten tresna soilak dira euskarriak eta ez dute ikaslearen emaitzan eragiten (Clark, 1994). Era honetara, euskarrien aukeraketa ekonomia kontu bilakatzen da.

Komunikabideak ikaskuntzan eragin dezake. Euskarriaren ezaugarrien araberakoa da.

Euskarriak ez du ere ikaskuntza gidatzen baina ikaskuntzan eragin dezaketen hainbat ezaugarri baditu euskarriak. Funtzio anitza izateari esker, ezagutzak barneratzeko eta aurrez existitzen ez diren informaziora eta komunikaziora heltzeko hainbat era jartzen ditu aukeran teknologiak.

Salomon eta Clark (1977)en arabera, estimuluen garraiatzaile hutsak dira euskarriekin egindako ikerketetan. Euskarriei buruz egindako azterketetan, aldiz, ikasleen ezaugarri kognitibo eta afektiboekin elkar eragiten duten barne-ezaugarriak ikertzen dira.

Azkenik, Vigotskyren ikuspegiaren arabera, elkar eragiteko balio duen tresna da ordenagailua eta jarduerak eraldatzen ditu.

Hedabidearen berezitasunak

Hemendik urte batzuetara argibideak beharko ez badira ere, gaur egun pertsonek laguntza behar dute oso azkar aldatzen ari den hizkuntza ezberdin bat ulertzeko. Izan ere, berezko ezaugarriak baditu informatikak:

Hainbat idazkera sinboliko barneratzen ditu bere baitan

Hainbat euskarri aurki daitezke pantaila berean multimedia edo hipermedia programa batean: irudiak, musika… Aurrerapen handia da berez ezaugarri hori, baina hala ere, askoz mantsoago doaz softwarearen aldaketak eta askotan ez dute bat egiten batak eta besteak.

Dinamikoa da

Zenbait prozesu aldagarri era berean, pantaila berean, erakusteko gai da informatika.

Interaktiboa da

Elkar eragiteko gaitasun handia du informatika-teknologiak: ekintza-erantzuna prozesua berehalakoa da ordenagailuan.

P.Lévyren arabera, interakzio gradua aldagai askoren arabera neur daiteke eta horien artean telepresentzia, birtualtasuna, komunikazioaren elkarrekikotasuna; jasotako mezua pertsonalizatzeko eta bere egiteko aukerak; eta irudiaren inplikazioa.

Hezkuntza softwarearen kasuan, nabigazioaren eta darabilen diseinu hezigarriaren arabera neurtzen da interaktibitate gradua. Horrela, sei interakzio gradu bereizten dira:

1. Objetuena:teklatu edo saguarekin aukeratutako objetuen erantzuteko gaitasuna.
2. Nabigazioarena: lineala (sekuentzia-lerroa jarraituz, programan zehar aurrera edo atzera egin dezake erabiltzaileak) ala hierarkikoa (menu edo item bat aukeratuz, programako zatietara irits daiteke).
3. Loturena: eduki berrietara daraman hitz edo objetuen bitartez informazio berria eskuratzeko gaitasuna da.
4. Jardueren euskarri gisakoa: programa erabiltzen den bitartean jaso daitekeen laguntza.
5. Eraikitzailea: jarritako helburuak betetzeko erabili behar dituen osagaiei esker, testuingurua eraikitzean datza.
6. Bihurkaria: Erabiltzaileak erabakiak hartu, galderak erantzun eta arazoak konpondu behar dituenean.

McLuhanek, bestalde, garrantzia eman zien berezitasunei eta espazio akustikoa eta bisuala ezberdindu zituen, mundu ulertzeko era gisa. Alde batetik, komunikabide bakoitzak espazio horiek bere erara antolatzen dituela azpimarratu zuen; eta bestalde, giza-komunikabideetan era orokorrean eragiten duela ere adierazi zuen.

Eskoletan ordenagailuak erabiltzeari buruzko ikerketak

Kontzeptu teoriko eta eraikitzaileak frogatzera edota teknologiaren erabilera-efektuak aztertzera bideratzen dira ikerketak kasu honetan (ez nahastu ebaluazioekin, zein erabileraren eraginkortasuna neurtzen duten).

M.Hannafin eta laguntzaileen (1996) arabera, alor teknologikoan garatu eta erabili diren ikerketen garapenarekin daude lotuta ordura arte egindako ikerketak. 5 fase bereiztu zituzten: 

    1. fasea: hezkuntzako programa informatiko jakinak erabilerakoan, ikasketa efektuak aztertzen dira.

        2. fasea: tresnaren eraginkortasuna ikuspuntu ekonomikotik begiratzen du.

        3. fasea: hezkuntza softwarea garatzeko egokienak diren teoriak ikertzen dira.

      4. fasea: irakasuntza-ikaskuntza prozesuaren berrikuntzak aztertzen ditu, ikuspegi psikologiko eta pedagogikotik.

        5. fasea: teknologiaren erabilerak orokorrean eragindako ondorioak ikertzen ditu.

Reeves (1995)ek sei helbururen arabera sailkatzen ditu ikerketak:

1. Ikerketa teorikoa: hainbat alorretako teoria eta printzipioen azterketa logikoan oinarritzen da.
2. Ikerketa enpirikoa: teknologiak giza-komunikazioa, ikaskuntza eta egikaritzeekin lotutako fenomenoak deskribitzen eta interpretatzen ote dituen ikertzen du.
3. Interpretaziozko ikerketa: teknologiaren erabilerari, ikaskuntzari eta giza-komunikazioari buruzko fenomenoak deskribitu eta interpretatuz, hezkuntzak nola funtzionatzen duen ikertzen du.
4. Ikerketa postmodernoa: izkutuko ezaugarruak azaleratzeko helburuarekin, ikaskuntza eta giza-komunikazioan teknologiak duen eraginaz aritzen da.
5. Garapenari buruzko ikerketa: teknologiak erabilerak eragindako giza-garapenaren aldaketak ditu ardatz.
6. Programa, produktu edo metodo jakin baten ebaluazioan oinarritutako ikerketa: produktuaren eraginkortasuna balioestea du helburu.

Eta horrez gain, ikertzeko 5 metodologia izendatu zituen:

1. Kuantitatiboa: datu kuantitatiboak metodo estatistikoekin aztertzen ditu.
2. Kualitatiboa: datu kualitatiboak biltzen ditu eta metodo etnografikoen bidez azaltzen.
3. Teoria kritikoa: testu eta teknologiak eraikitzen ditu, explizituak ez den diskurtsoa bilatuz.
4. Literaturaren berrikuspena: beste ikerketen analisi eta integrazioa da.
5. Mixtoa:

Reevesen ikerketen emaitzen arabera, ikerketa gehienak enpirikoak dira eta metodo kuantitatiboa da gehien erabiltzen dena; metodo kualitatiboa eta teoria kritikoa apenas erabiltzen dira.

Ikerketak sailkatzeko beste era bat da makroestudio (hezkuntza maila ezberdinetan, informatikaren erabileran eta atzitzeko gaitasunean oinarritutakoak) eta mikroestudio (erabiltzen diren produktuen eta gela edo ikstetxeetako integrazio eta ikaskuntza curricularren ikerketan oinarritutakoak) gisa definitzea. Azken horien artean hiru motatakoak ezberdindu daitezke, ardatz hartzen dutenaren arabera: produktua; erabiltzailea; edota testuingurua.

Beste hainbat ikerketa garrantzitsu ere badira: Clark eta Sugrue (1988), Castaño (1994), G. Salomon (1992)…

Zer geratzen da ikertzeko?

Orain arte garrantzia gutxi eman zaio teknologiaren eraginari antolakuntzaren, metodologiaren eta kultura-balioen esparruan. Asko dago oraindik ikertzeko teknologien eraginaren inguruan, besteak beste, gizarte, kognizio, bertaratzeko eta erdi bertaratzeko ikasketa… kontuekin lotutako arazoak.